Aqa ko pukaar bandey

Aqa ko pukaar bandey, Aqa ko pukaar!

Insha'Allah ho jaey ga tera beyra paar

Kya kehna darbar Nabi ka ,uss ki shaan aali hai.

Hargiz na mehroom woh lauta uss dar ka jo sawaali hai

Aao chalain ham sooey madinah, chowr ke sab ghar bar.

Un ke haath main kul kunji hai Rabb ne unain Mukhtar kiya

Ham ko Un ka mangta banaya aur Un ko Sarkaar kiya

Jo Sarkaar ke dar ka gada hai, woh khud hai mukhtar

Thumma dana fatadallaa ka mansab Sarkaar ko hasil hai

Puhnch na paya koi uss jah, jo sarkaar ki manzil hai

Asraa ki shab uznu minni Maulaa ki thi pukaar.

Aala Hazrat ne ya Rabb yeh dars hamian sikhlaya hai

Jo gustakh-e-khuda ya Nabi hai apna nahi woh paraya hai

Haan aisey gustakhoon par hai Khaliq ki phatkaar

Kiyun ghamgeen hai tu ay sayyed dar par who bulwain gey

Ranj-o-gham sab door karain gey sooey bhaag jagayain gey

Aur bhi koi Unn ke siwa hai dukhiyoon ka gham khawar

Search Lyrics

© Lyrics of Islamic Naats, Nasheeds, Manqabats, Salaams, Hamds in Urdu, Arabic, Hindi, English., AllRightsReserved.

Developed by Javed Khatri and maintained by Junaid Khatri