Aaya Ramzan Ka Mahina Naat Lyrics

Aaya Ramzan ka mahina kaafila chala Soo e Madina
Mujhe bhi do Izn e Madina aane ki Sarkar e Madina

Mujhe na aaya bulawa kitni hai dil me tamanna
Kaash Aaqa mai bhi dekh leta Bahaar e Ramzan e Madina

Meri qismat ko bhi Khudara tum sajana
Hasnain ke sadqe me dikhana baar baar Madina

Kaha jau kaha daaman pasaru mai Malik e Madina
Aas lagai hum ne tumhare dar se aye Shahenshah e Madina

Kahi aisa na ho seene me dafan karke Gum e Madina
Mai duniya se chala jau bin deed ke Madina

Ghamo ke sailab me dooba ja raha hu Sultan e Madina
Lillah Imdad ko aao meri Sarwar e Madina

Is saal zaroor mujh aasi ko Sarkar bulana
Rauza e Anwar aur Gumbad e Khizra dikhana

Chamka kar meri aankho ko jalwa dikha dena
Dekh lu aankh bharke tum ko Shah e Madina

Duniya ki mohabbat dil se nikal jaye Aaqa e Madina
Rahe Chashm e Nam dil me bas Gham e Madina

Maana ke nahi qaabil hu joh dekhu tumhara Madina
Phir lau kaha se woh aamal mai Sarkar e Madina

Nahi Jaber ke paas koi zar joh dekhe Pyaara Madina
Itna toh ho karam khwabo me isse dikhado Madina