All for Joomla All for Webmasters

LYRIC


Banda Qadir Ka Bhi Qadir Bhi Hai Abdul Qadir

Banda qadir ka bhi qadir bhi hai Abdul Qadir
Sirre baatin bhi hai zaahir bhi hai Abdul Qadir

Muftiye shar-a bhi hai kaaziye millat bhi hai
Ilme asraar se maahir bhi hai Abdul Qadir

Mambaye faiz bhi hai majmaye afzaal bhi
Mehre irfaa(n) ka munawwar bhi hai Abdul Qadir

Qutbe Abdaal bhi hai mahware irshad bhi
Markaze daairaye sir bhi hai Abdul Qadir

Silke irfaa(n) ki ziya hai yehi durre mukhtar
Fakhre ashbaaho nazaair bhi hai Abdul Qadir

Is ke farmaan hain sab sharehe huqme shaare
Mazhare naahi wa aamir bhi hai Abdul Qadir

Zee tasarruf bhi hai maazoon bhi mukhtar bhi hai
Kaare aalam ka mudabbir bhi hai Abdul Qadir

Rashke bulbul hai Raza laalaye sad daag bhi hai
Aapka waasifo zaakir bhi hai Abdul Qadir

LIKE US ON FACEBOOK