All for Joomla All for Webmasters

LYRIC

Aa Jaye Bulawa Mujhe Aqa Tere Dar Se

Aa Jaye Bulawa Mujhe Aqa Tere Dar Se
Jis Dar Ki Ghulaami Ko Toh Jibreel Bhi Tarse

Paidal Hi Nikalte Hai Masaafat Ka Nahin Khauf
Thakte Hi Nahi Hum Toh Madine Ke Safar Se

Sunnat Pe Teri Chalne Ka Aa Jaaye Qareena
Yeh Abr e Karam Kaash Mere Dasht Pe Barse

Zarrah Bhi Lage Gohar o Almaas Se Badh Kar
Dekhe Toh Koi Khaak e Arab Meri Nazar Se

Ek Mai Hi Nahi Taalib e Jalwa Mere Aaqa
Har Ek Musalmaan Tere Deed Ko Tarse

Naamoos e Muhammad Ke Liye Jaan Bhi Dunga
Ho Jaunga Waaqif Mai Shahaadat Ke Hunar Se

Duniya Ke Faqat Chand Hi Lamhaat The Guzre
Ho Aaye Payambar Mere Sadiyon Ke Safar Se

Joh Shaam o Sahar Salle Alaa Kehta Rahe Ga
Aayega Bulawa Usse Aaqa Ke Nagar Se

Kuch Khauf Nahi Mujhko Kadi Dhoop Ka Amjad
Saya Mujhe Milta Hai Risalat Ke Shajar Se

LIKE US ON FACEBOOK