All for Joomla All for Webmasters

LYRIC

Aakhri Lamhon Mein Kya Shehr o Biyabaan Dekhun

Aakhri lamhon mein kya shehr o biyabaan dekhun
Ab toh bas ek hi dhun hai ke Madina dekhun

Roo ba Roo Rauza e Sarkar ke ho Mehfil e Naat
Kaash Taiba haseen aisa zamana dekhun

Saail e Dar ko Shahinsha e Zamana kar de
Shah e Batha ka woh Andaaz e Shahana dekhun

Sajda e Sar mai karu Kaabe ki azmat ke liye
Sajda e Dil ke liye Kaabe ka Kaaba dekhun

Unke darbaar me kuch hamko mile aisi ataa
Auj pe apne muqaddar ka sitara dekhun

Ya Nabi kardo mere dil ko sabhi zang se paak
Wasl ki raat ko mai dil ka chamakna dekhun

Sadqa e Aale nabi humko mile aaj ki shab
Gulshan e Zahra ka rangeen nazara dekhun

Maal o Zarr paas nahi aur na parr hai mere
Bada mushkil hai ke mai jaake Madina dekhun

Sabir e Chishti tadap dil me yun karle paida
Aankh joh band karu pyaara Madina dekhun

Yun toh is waqt bhi aankhon me hai rauza unka
Mere Aaqa ka haqeeqat me bulana dekhun

Woh yaqeenan mujhe bulwayege Taiba Sabir
Aur wahin shaan se main jaan ka jaana dekhun

LIKE US ON FACEBOOK