All for Joomla All for Webmasters

LYRIC


Har Waqt Tasawwur Mein Madine Ki Gali Ho

Har waqt Tasawwur mein Madine ki gali ho
Aur yaad Muhammad ki mere dil me basi ho

Aye kaash mai banjau Madine ka musafir
Phir rooti huwi Taibah ko baraat chali ho

Aye kaash Madine me mujhe maut yuh aaye
Qadmon me Tere sar ho meri rooh chali ho

Aaqa ka gada hoon ai jahan’nam tu bhi sunle
Woh kaise jale joh ke Ghulam e Madani ho

Jab aau Madine me toh har chaak girebaan
Aankhon se barasti huwi ashkon ki jhadi ho

Jab leke chalo gharibaan ko janazah
Kuch khaak Madine ki mere munh pe saji ho

Jis waqt nakirein meri qabr mein aaein
Us waqt mere lab pe saji Naat e Nabi ho

Aaqa ka gada hoon aye jahannam tu bhi sunle
Woh kaise jalay jo ke Ghulam e Madani ho

Allah karam aisa kare tujh par jahan me
Aye Dawate Islami teri dhoom machi ho

LIKE US ON FACEBOOK