Aaqa ki Midhat

Wad duha wash shams Qur’aa(n) shaan karta hai bayaan
Jin ki azmat aine imaa aisa muwaqqar kaun hai

Aap ko hain paak paida aib se rab ne kiya
Mustafa o Mujtaba jaisa Mutahhar kaun hai

Aap ki tal'at se Aaqa do jahan hain pur ziya
Noor-e-haq Noor-e-khuda jaisa Munawwar kaun hai

Aap hain Mohre Nubuwwat Khatime Paigambaran
Hai shahe har do sara aisa Payambar kaun hai

Aap hi hain Aazamul Khulq aur Imaamul Ambiya
Hai shahe laulaak aisa haq ka Mazhar kaun hai

Dar khuda ka aap hi ke dar se hai hum ko mila
Mere Aaqa aap sa aalam ka Rehbar kaun hai

Qasim-e-ne’mat hai Aaqa bheek ho mujhko ata
Benawa ko dene wala usse behtar kaun hai

Jis ne bhi Khairul Bashar ko apne jaisa keh diya
Aur koi is jahaa me usse badtar kaun hai

Kya bhala tujhse khaleel aaqa ki midhat ho bayaan
Madha go jab khud khuda hai usse badhkar kaun hai

Written by: Sayyed Khalil Noorie

www.naatlyrics.in