Mehboob Ki Mehfil Ko Mehboob Sajate Hai

Mehboob Ki Mehfil Ko  Mehboob Sajate Hai
Aate Hain Wohi Jin Ko  Sarkar Bulate Hai

Woh Log Khuda Shahid  Kismat Ke Sikandar Hai
Jo Sarware Alam Ka  Milad Manate Hai

Aaqa Ki Sanaah Khwani, Dar Asl Ibadat Hai
Hum Naat Ki Surat Mein  Qur’an Sunate Hai

Jin Ka Bhari Duniya Mein, Koi Bhi Nahin Wali
Unko Bhi Mere Aaqa  Sine Se Lagate Hai

Jo Sarware Alam Ko  Lajpal Samajhte Hai
Daman Talab Bhar Kar  Mehfil Se Woh Jate Hai

Me-khwaro Chaley Jana  Me-khwanae Sarwar Mein
Wo Jame Talab Sab Ko Bhar Bhar Ke Pilate Hai

Allah Ke Khazanon Ke Malik Hain Nabi Sarwar
Yeh Sach Hai Niyazi Hum Sarkar Ka Khate Hai

www.naatlyrics.in