Anwaare Muhammad Se Toh Arsh Ujala Hai Naat Lyrics

Anwaare Muhaamad se toh arsh ujala hai
Woh Rehmat e Aalam hai mehboob nirala hai

Har su faza mahaki hai har samt ujala hai
Sarkar ki aamad ka aalam hi nirala

Ehsaan yeh kya kam hai Sarkar e Do Aalam ka
Duniya ko jahaalat ki zulmat se nikala hai

Allah ko pyaari hai ek ek ada unki
Seerat ko Muhammad ki Quran me dala hai

Woh Fakhre Risalat hai woh Shama e Hidayat hai
Un Noor e Mujassam ka ghar me ujala hai

Sarkar e Do Aalam ka Allah re kya kehna
Akhlaakh hasi unka kirdaar bhi aala hai

Kya vasf baya humse sarkar ka ho Qaadir
Us Rehmate Aalam ka ehjaaz nirala hai