Na Chedo Zikre Jannat Naat lyrics

Na chedo zikre jannat
Ab Madina yaad aaya hai
Nabi ka Sabz Gumbad
Dil ki aankho me samaya hai

Mila karti hai muh mangi
Murade unke rouze par
Gulamo ne tere dar se
Jo manga hai woh paaya hai

Khuda ki saltanat ke tum
Ho dulha Ya RasoolAllah
Tumhare vaaste rab ne
Yeh sab aalam sajaya hai

Shabe isra mubarakbaad di
Yeh huuro gilmo ne
Muhammad ko Khuda e Paak
Ne dulha banaya hai

Namazo me azaan me
Kalima me aur Arsh par har ja
Khuda ne naam tera
Naam se apna milaya hai

Zamin ko chirte huye
Aaye hai khidmat me
Darakhto ne ishara
Aapka jis waqt paaya hai

Tumhari zaat par kyu kar
Bharosa ho na aalam ko
Gunahgaar ko tumne
Naare dozak se bachaya hai

Ijabaat ne liya bosa
Tumhare pyaare hoto ka
Dua ke vaaste jis waqt
Tumne lab hilaya hai

Koi pursaane haal apna
Nahi hai Ya RasoolAllah
Jo apne hai toh tu hai
Aur baaki sab paraaya hai

Sanaye Mustafa woh bhi
Rivayate Sahiha se
Jamil e Qadri kya khoob
Tere paas maaya hai