Muhammad Ke Sheher Me Naat Lyrics

Kyu aake ro raha hai Muhammad ke sheher me
Har dard ki dawa hai Muhammad ke sheher me

Qadmo ne unke khaak ko kundan bana diya
Mitti bhi kimiya hai Muhammad ke sheher me

Sadqa luta raha hai Khuda unke naam ka
Sona nikal raha hai Muhammad ke sheher me

Sab toh jhuke hai Khana e Kaaba ke samne
Kaaba jhuka hua hai Muhammad ke sheher me

Aay maut abhi aake gale se laga mujhe
Marna mai chahta hu Muhammad ke sheher me

Aay Raaj garche hind me maujud hu magar
Dil naat padh raha hai Muhammad ke sheher me