Humare Hai Rehbar Hussain Ibne Haidar Lyrics

Humare hai rehbar Hussain Ibne Haidar
Sadaqat ke paikar Hussain Ibne Haidar

Kiya jiski khatir taveel apna sajda
Woh Sibte Payambar Hussain Ibne Haidar

Lahu se kiya jisne islam zinda
Ali ka woh dilbar Hussain Ibne Haidar

Rahega hame yaad har dum tumhari
Shahadat ka manzar Hussain Ibne Haidar

Ke barso se tum oodh kar so rahe ho
Tahammul ki chadar Hussain Ibne Haidar

Jalaya hai maine bhi shamme muhabbat
Mere dil ke andar Hussain Ibne Haidar

Kiya aapka zikr maine toh mera
Huwa dil munawwar Hussain Ibne Haidar

Tumhare hi dum se fiza lag rahi hai
Mu'attar Mu'attar Hussain Ibne Haidar

Mujhe bhi ata kardo nisbat tumhari
Banalo Sag e Dar Hussain Ibne Haidar

Tumhare hi sadqe me mehshar me humko
Mile jaam e Kausar Hussain Ibne Haidar

Tumhari hi kashti panagaahe Shakir
Tum hi mere yaawar Hussain Ibne Haidar

Search Lyrics

© Lyrics of Islamic Naats, Nasheeds, Manqabats, Salaams, Hamds in Urdu, Arabic, Hindi, English., AllRightsReserved.

Developed by Javed Khatri and maintained by Junaid Khatri