Nahi mere ache amal Gaus ul Aazam
Magar tum pe rakhta hu bal Gaus ul Aazam
Joh duniya me hoga madad khwaah unse
Sambhalenge kal uski kul Gaus ul Aazam
Khilaade kali dil ki mai tere sadqe
Pareshaan hu aaj kal Gaus ul Aazam
Hai mushkil kusha jadde Amjad tumhare
Karo mere uqdo ka hal Gaus ul Aazam
Tamanna hai dil me ke Baghdad pohochu
Wahi mujhko aaye ajal Gaus ul Aazam
Jameel Aarzu hai ke mujh ko bulakar
Sune mujhse khud yeh Gazal Gaus ul Aazam
