Mai Sajda Karoon Ya Ke Dil Ko Sambhalu Lyrics

Mai sajda karu ya ke dil ko sambhalu
Ke Aaqa ki chaukhat nazar aa rahi hai
Isi bekhudi me kahi kho na jau
Tadap Noor waale ki tadpa rahi hai

Do aalam ke Daata mere saamne hai
Ke Kaabe ka Kaaba mere saamne hai
Ada kyu na Farz e Muhabbat karu mai
Khuda ki khudayi jhuki ja rahi hai

Gale me hai zulfe toh neechi nigaahe
Nazar choomti hai Madine ki raahe
Farishte bhi badhar kadam choomte hai
Muhammad ki jogan chali aa rahi hai

Faqeeri ka mujh me nahi hai saliqa
Na aata hai kuch maangne ka tariqa
Idhar bhi nigaahe karam Noor waale
Zamaane ki jholi bhari ja rahi hai

Farishto Sarr e Raah ankhe bicha do
Utho Behre Tazeem sar kojJhuka do
Khuda keh raha hai mere Dilruba Ki
Woh dekho sawaari chali aa rahi hai

Yeh farmaya Haq ne ke pyare Muhammad
Hamare ho tum hum tumhare Muhammad
Hame apne jalwo me aye Kamli Waale
Tumhari hi soorat nazar aa rahi hai

Yeh jazba muhabbat hai rehmat khuda ki
Hai chaukhat mere samne Mustafa  ki
Mujhe kyu na ho naaz qismat pe muslim
Muhabbat kahaa ki kahaa la rahi hai