Rasool Unhi Ka To Muzda Sunane Aye Hai

Rasool unhi ka to muzda sunane aye hai
Unhi ke ane ki khushiyan manane aye hai

Farishte aaj jo dhoomen machane aye hai
Unhi ke aane ki shaadi rachane aye hai

Falak se hooro malak geet gane aye hai
Ki do jahan me ye danke bajane aye hai

Yeh sidha raasta haq ka batane aye hai
Yeh haq ke bando ko haq se milane aye hai

Yeh bhule bichdon ko raste pe lane aye hai
Yeh bhule bhatkon ko hadi banane aye hai

Chamak se apni jahan jagmagane aye hai
Mehek se apni ye kuche basane aye hai

Nasime faiz se ghunche khilane aye hai
Karam ki apni baharen dikhane aye hai

Yahi to sote huon ko jagane aye hai
Yahi to rote huon ko hasane aye hai

Unhen khuda ne kiya apne milk ka malik
Unhi ke kabse me rab ke khazane aye hai

Jo chahenge jise chahenge woh usey denge
Karim hai ye khazane lutane aye hai

Kitabe hazrate Moosa me wasf hai unke
Kitabe Isa me unke fasane aye hai

Unhi ki naat ke nagme zaboor se sunlo
Zabane Qur'an pe unke tarane aye hai

Sabhi rasool ne kaha iz habu ila gairi
Ana laha ka ye muzda sunane aye hai

Naseeb tera chamak utha dekh to noorie
Arab ke chand lahad ke sirhane aye hai

www.naatlyrics.in

Search Lyrics

© Lyrics of Islamic Naats, Nasheeds, Manqabats, Salaams, Hamds in Urdu, Arabic, Hindi, English., AllRightsReserved.

Developed by Javed Khatri and maintained by Junaid Khatri