Maula Ali Ka Shehezada Mera Khwaja Moinuddin

Tumhari arfao ala hai hasti
Mera khwaja bana mujh ko bahishti
Tum aaye hind ke zulmat kade me
Diya imaan mitaye budh parasti.

Bachalo me to duba jaa raha hun
Bhawar me aa phasi hai meri kashti
Madad ka waqt hai lillha uthiye
Madad kun ya Moinnuddin chishty.

Moin e bekasa hai mere khawaja
Dikha dijye mujhe taiba ki basti
Dikha do ab to taiba k nazare
Mere khawaja hai ye aankhen tarasti.

Sada rehmat teri saya figan ho
Rahe hum par tumhari sarparasti
Mujhe jaame karam aisa ataa ho
Rahu makhmoor phir utre na masti.

Hai manzar khush numa ajmer ka ye
Yaha din raat hai rehmat barasti
Hai hum par khaas faizane moini
Nahi chal sakhti hum par zor dasti.

Chala do ab hame rahe sunan par
nikalo hum se be amli wo sussti
Likhe kya manqabat khwaja ki sayyed
Kaha tu aur kaha khwaja ki hasti.

Search Lyrics

© Lyrics of Islamic Naats, Nasheeds, Manqabats, Salaams, Hamds in Urdu, Arabic, Hindi, English., AllRightsReserved.

Developed by Javed Khatri