All for Joomla All for Webmasters

LYRIC

Nooriyo aao zara Qasmi jalsa dekho
Noori chehro se naya noor chalakta dekho

Shahe Qasim ka yeh darbar saja Shahana
Noor inaam har ek gaam pe bat ta dekho

Nisbate apni yaha aake karo mustahkam
Arze Marehra me barkat ka dariya dekho

Achche Suthre ki tab o taab pe waari jau
Aale Ahmed ka har ek simt ujala dekho

Qadri maikada phir saj gaya Marehra me
Maye Baghdad se har jaam chalakta dekho

Qutbe Kaaki ki tausat se mili Chistiyat
Meer Sughra me rukhe Khwaja ka jalwa dekho

Arze Marehra pe Ajmer ke Noori saaye
Khwaja e Chisti ka mazboot ye qila dekho

Aao barkaatiyo murshid ke kareeb aa jao
Aur nazdeek se noorani yeh chehra dekho

Peer ka chehra sajaye rakho dil ke andar
Chasme dil kholo zara peer ko qibla dekho

Peere bepeer ko tum peer na karna apna
Bikne Barkat me bas zikr Raza ka dekho

Partawe Kilke Raza hai miya Nazmi ka qalam
Iski tehreer me bas rang Raza ka dekho


ADVERTISEMENT