Jamaal e Madina Naat Lyrics

Allah ke habib ka kitna hasin dayaar hai
Mausam ho koi bhi magar rehti waha bahaar hai

Unki jubane dil nashi kis darja ba waqar hai
Dushman ko bhi Rasool ki baato pe aytebaar hai

Marne ke baad bhi meri aankhe na band ho saki
Mujhko abhi Rasool ki aamad ka intezaar hai

Khuld e Bari ka tazkira chedo na dosto abhi
Mere tasawuraat me sarkar ka mazar hai

Mere karib aa sake shaitan ki majal kya
Noor e Khuda ke naam se maine kiya hisaar hai

Jab se tabassum me aziz chuta hai Sheher e Mustafa
Yeh jaan nisaar har ghadi ab hijr ka shikar hai