All for Joomla All for Webmasters

LYRIC

Waqf Nazmi ka qalam jab Naat e Sarwar me hua
Naam shaamil Hazrate Hassan ke daftar me hua

Syeda Zehra Ali Hasnain Jannat pa gaye
Mojiza ye Mustafa ki paak chadar me hua

Poocha suraj se ki tujh ko roshni kisse mili
Bola Khurshid e Risalat se munawwar me hua

Itna sun kar bol utha Gulistan me ye gulab
Haan Paseene se Muhammad ki muattar me hua

Dukhti aankhe theek aur dushman ki fauje past ho
Murtaza per yeh karam wadiye khaibar me hua

Mustafa ke husn ka jab jab hua fazlo karam
Noor ka izhaar tab tab maaho akhtar me hua

Syedus Saadaat they Maula Ali Mushkil kusha
Khandan e Mustafa Shabbir o Shabbar me hua

Tujh ko hai maa ki dua aur tere Murshid ka karam
Nazmi tera naam uncha Naat e Sarwar me hua

LIKE US ON FACEBOOK