Tumko Mai Kya Batau Naat Lyrics

Tum ko mai kya batau Taiba nagar me kya hai
Bakhshish karam ataa hai har dard ki dawa hai

Mangta ka haat uthne se pehle hi diya hai
Jo manga maine unse usse siwa mila hai

Manzaara kabri us par waajib meri shafa`at
Muzda yeh Mustafa ne kya khoob hi diya hai

Taiba ki har gali me khusboo basi hai unki
Har ek gul yaha ka dulha bana huwa hai

Baadal umad ke aaye jalthal huwa Madina
Rehmat ka ek ishara Aaqa ne jab diya hai

Hai Qiblatain me woh ulfat ka raaz wallah
Qibla wahi hai jisme mehboob ki raza hai

Qadmain me joh baitha khudse hi poochta hai
Jannat yeh gar nahi hai batlao aur kya hai

Sarkar fir bulana jaisa bhi hu nibhana
Yeh aaj Waqt e Rukhsat Rizwan ki duwa hai

Search Lyrics

© Lyrics of Islamic Naats, Nasheeds, Manqabats, Salaams, Hamds in Urdu, Arabic, Hindi, English., AllRightsReserved.

Developed by Javed Khatri and maintained by Junaid Khatri