Khawaja e Khawajgan Haami e Bekasa Lyrics

Khawaja e Khawajgan Haami e Bekasa
Ijita sunn lo Shah e Umam ke liye

Hai tumhari talab Haasil e Bandagi
Is se badh kar nahi hai ibadat koi
Mere sajde hai aye Khwaja Hind al Wali
Bus tumhare hi Naqsh e Qadam ke liye

Noor e Shah e Najaf mere Khwaja Piya
Tere chaukhat pe waliyo ne sajda kiya
Khaaliq e Do Jahaan se yeh rutba mila
Tere darbaar Faiz o Karam ke liye

Shah e Ajmer mera Masiha hai tu
Dard mandoon ke dukh ka madawa hai tu
Teri nisbat ka daman rahe haath me
Bus dawa hai yahi Ranj o Gum ke liye

Thaam na haath aye Sayyad e Meherbaan
Hai tera kaam Khwaja khata poshiya
Laaj rakhna fana ki Moin e Jahaan
Hashr me Tajdaar e Haram ke liye