Darbare Risalat Ki Kaisi Woh Ghadi Hogi Naat Lyrics

Darbar e Risalat ki kaisi woh ghadi hogi
Hassaan ke honto pe jab Naat e Nabi hogi

ABu Bakr o Umar honge Usman o Ali honge
Hasnain ke Nana ki kya bazm saji hogi

Aaqa hai qamar lekin ashaab sitaare hai
Us Chand ki har jaanib taaron ki ladi hogi

Jaayenge Madine hum le jaayega jab Allah
Dil sajda kuna hoga aankho me jhadi hogi

Jab wadiye Taa'if me rangeen Naalain
Arsho pe farishto ke dil par bhi bani hogi

Jab Uhad o Badr waale Aaqa pe huwe qurbaan
Khush khabri phir unko jannat ki mili hogi

Dikhaya Joh Taiba Ka Mujko Nazara Naat Lyrics

Dikhaya joh taiba ka mujko nazara

Atah karde bakshish ka muzada khudara

Ye ummat ki kashthi bhawar mey fasi hai

Mile isko Reham o Karam ka kinaara

Hamare saro se chatte gum ke baadal

Karo aap gar ungaliyon se isharaa

Base mere dil me Shahedi ki ulafat

Tumare liye Jaan kar du nisaara

Hai peshe nazar tere rauze ki jaali

Karam karde aasi aakha khudara

Meri rooh tanse juda jab ke howe

Karu Waqt e Rukasat bhi tera nazara

Sawar jaye Shakir ki qisamat yakinan

Agar aap kheha do ke tu hai hamara

Dar e Nabi Par Yeh Umr Beete Naat Lyrics

Dar e Nabi par yeh umr beete ho hum pe Lutf e Dawaam aisa
Madina waale kahe maqaami ho unke dar par qayaam aisa

Yeh Rifat e Zikr e Mustafa hai nahi kisi ka maqaam aisa
Jo baad Zikr e Khuda hai afzal hai Zikr e Khair ul Anaam aisa

Joh ghamzado ko gale laga le buro ko daaman me joh chupa le
Hai dusra kaun is jaha me Siwa e Khair ul Anaam aisa

Bilal tuj par nisaar jau ke khud nabi nain tujhe kharida
Naseeb ho toh naseeb aisa ghulam ho toh ghulam aisa

Namaaz aqsa me jab padhai toh Ambiya o Rasool yeh bole
Namaaz ho toh namaz aisi Imaam ho toh imaam aisa

Dard e Dil Kar Mujhe Ata Ya Rab Naat Lyrics

Dard e Dil kar mujhe ata Ya Rab
De mere dard ki dawa Ya Rab

Be sabab baksh de na pooch amal
Naam Ghaffar hai tera Ya Rab

Yuh gumoo ke mai tujh se mil jau
Yuh gumaa is tarha mila Ya Rab

Aib mere na khol mehshar me
Naam Sattar hai tera Ya Rab

Har bhale ki bhalai ka sadqa
Mujh nikamme ko kar bhala Ya Rab

Laaj rakhle gunahgaron ki
Naam Rehman hai tera Ya Rab

Khaak kar apne Aastane ki
Yuh hame khaak me mila Ya Rab

Meri ankhe mere liye tarse
Mujh se aisa mujhe chupa Ya Rab

Tees kam ho na Dard e Ulfat ki
Dil tadapta rahe mera Ya Rab

Teri jaanib yeh Musht e Khak ude
Bhej aisi koi hawa Ya Rab

"Sabaqat Rahmati Alaa Ghazabi"
Tune jab se sunadiya Ya Rab

Tu Aasra hum gunahgaro ka
Aur mazboot ho gaya Ya Rab

Ahle Sunnat ki har jamat par
Har jaga ho teri ata Ya Rab

Dushmanon ke liye hidayat ki
Tujh se karta hu iltija Ya Rab

Meri maan meri behnain bhanjay sab
Pa'ayn Araam-e-do sara Ya Rab

Aur bhi jitne pyaare hai
Hajatain sab ki ho rawa Ya Rab

Mere ahbab par bhi fazl rahe
Tera tere habeeb ka Ya Rab

Tu Hasan Ko utha Hasan Karke
Ho Ma'al khair khaatima Ya Rab

Dam Dam Ali Ali Dam Dam Lyrics

Dam dam Ali Ali dam dam
Dam dam Ali Ali dam dam

Tere ishq me jeena Ya Ali
Tere ishq me marna Ya Ali
Dam dam Ali Ali dam dam
Dam dam Ali Ali dam dam

Ho subh hu shaam lab par wazifa Ali Ali
Kehta ho mere dil ka bhi tughra Ali Ali
Dam dam Ali Ali dam dam
Dam dam Ali Ali dam dam

Khaibar ke faateh aap hai
Sher e Khuda hai aap
Kuffar jis se kaape
Wo naara Ali Ali
Dam dam Ali Ali dam dam
Dam dam Ali Ali dam dam

Mushkil kushahi kijiye Maula Ali madat
Hum ashiqo ka ek hi naara Ali Ali
Dam dam Ali Ali dam dam
Dam dam Ali Ali dam dam

Wo Fatima Batool jo zauja thi aapki
Jannat se uttra apka rishta Ali Ali
Dam dam Ali Ali dam dam
Dam dam Ali Ali dam dam

Hasan o Hussain apke hai laadle jigar
Kya apka hai Noori gharana Ali Ali
Dam dam Ali Ali dam dam
Dam dam Ali Ali dam dam

Dil Me Hubb e Mustafa Lab Par Sana e Mustafa Naat Lyrics

Dil me Hubb e Mustafa lab par Sana e Mustafa
Isse badhkar aur kya hogi Ataa e Mustafa

Seekh me Siddiq se hum nisaari ka sabak
Aankho ne dekha nahi aisa Fida e Mustafa

Yeh sharf haasil hai Aaqa aap ki zaat ke
Arsh par pahucha nahi koi Siwa e Mustafa

Hasr tak kayam rahegi Ahle Sunnat ki bahar
Taazgi milti rahegi zere Saaye Mustafa

Bas yeh Sunni Dawate Islami ka paigam hai
Ho sarapa zindagi apni Ada e Mustafa

Raai ka dana hai junke ru baru dono jaha
Dekh me najdi zara shaan Gadha e Mustafa

Bas isi ummid par ehjaaz hai hai saas hai
Ab bulaye ab bulay ab bulaye Mustafa

Duniya Ke Aye Musafir Naat Lyrics

Duniya ke aay musafir manzil teri qabar hai
Tai kar raha hai jo tu do din ka yeh safar hai

Jab se bani hai duniya aaye hazaro laakho
Baaki raha na koi mitti me sab samaye
Iss baat ko na bhulo sabka yahi hashar hai
Duniya ke aye musafir manzil teri qabar hai

Mahalo me sone wale mitti me so rahe hai
Shaho gadha yaha sab ek saath so rahe hai
Dono huye barabar yeh maut ka asar hai
Duniya ke aye musafir manzil teri qabar hai

Aankho se tune apni janaze dekhe
Haatho se tune apne dafnaye kitne murde
Anjam se tu apne kyu itna bekhabar hai
Duniya ke aye musafir manzil teri qabar hai

Dil Madina Mera Bana Aaqa Naat Lyrics

Dil Madina mera bana Aaqa
Ho mujhe chashme namm ataa Aaqa
Ab huzoori ho door doori ho
Phir Madine mujhe bula Aaqa

Maut ke baad bhi surur aaye
Aisi ulfat ki mai pila Aaqa
Mujh ko Siddik ki sadaqat ka
Koi zarra tu kar ataa Aaqa

Kash roye Khashiyat e Rab se
Behre Farooq  dil mera Aaqa
Behre Usman ba haya mujh ko
Dijiye Daulat e Haya Aaqa

Behr e Maula Ali mujhe ghalaba
Dushmano per tu kar ataa Aaqa
Az paye Fatima mujhe apne
Ishq me har ghari rula Aaka

Behr e Hasnain de panah mujh ko
Paikar e Sabr aur Riza Aaqa
Mujh ko sadqe me Bu Hanifa ke
Aalim e Ba’amal bana Aaqa

Vasta tujh ko Gaus e Azam ka
Nek sirat mujhe bana Aaqa
Vasta tujh ko Ala Hazrat ka
Tu mujhe muttaqi bana Aaqa

Mere Ehlo Ayaal aur mujh se
Door ho jaye har bala Aaqa
Muskura kar Ubaid se keh do
Tu mera banda mai tera Aaqa

Daaman e Mustafa Fakat Naat Lyrics

Kaaba ke dar ke saamne mangi hai yeh dua fakat
Haatho me Hasr tak rahe Daman e Mustafa fakat

Apne karam se aay Khuda Ishq e Rasool kar ata
Aakhiri dum zaban oe ho SalleAllah sada fakat

Taiba ki sair ko chale kadmo me unki jaan de
Dafan ho unke shahar me hai yahi iltija fakat

Duniya ki saari nehmate meri nazar me hech hai
Rakhne ko sar pe gar mile Naalain e Mustafa fakat

Munkar Nakeer qabr me hum se sawal jab kare
Aise me vird hum rakhe aapke naam ka fakat

Nazaa ke waqt jab meri saanso me inteshaar ho
Meri nazar ke samne Gumbad ho woh hara fakat

Naat e Rasool e Paak hai Nazmi ka maksade hayaat
Qabr me bhi labo pe ho sarkar ki sana fakat

Dhadkan Dhadkan Shehre Madina Naat Lyrics

Arshe mukarram ke haatho ka daman Shere Madina
Jalwaaye Aaqa dulha bana hai dulhan Shere Madina

Dhadkan Dhadkan Shere Madina
Ishq ka darpan Shere Madina

Ke rehmat waali noori chaadar me kuch aisi wus`at hai
Shaane Qudrat dikhlaati hai yeh bhi Rab ki Qudrat hai

Husne mashiat ke jalwo ka maskan Shere Madina
Misr ke husan ko bhej raha hai utran Shere Madina

Sohndi sohndi pyaari pyaari Shere Nabi ki mitti hai
Khaake shifa me aisi shifa ke saare marz ki chutti hai

Baaghe jinah hai jis pe fidah woh gulshan Shere Madina
Aur barsaata hai noor ka har dam saawan Shere madina

Ke noore mujassam ke jalwo se noor ka mausam lehrai
Husne sarapa ke sadqe main husn ka parcham lehrai

Jab sarkaai roohe haseen se chilman Shere Madina
Banjai qunen ki khaatir Darpan Shere Madina

www.naatlyrics.in

Dil Ko Unke Se Khuda Juda Na Kare Naat Lyrics

Dil ko unke se Khuda juda na kare
Bay kisi loot le Khuda na kare

Iss me Rauze ka sajdah ho ke Tawaaf
Hosh me jo na ho woh kya na kare

Ye wahi hai ke bakhsh dete hain
Kaun in jurmaun par saza na kare

Sab tabeebaun ne de diya hai jawaab
Aah E’saa agar dawah na kare

Dil kahaan le chala Haram se mujhe
Aray tera bura Khuda na kare

A’zr ummed a’fwu gar na sune
Roosiyah aur kya bahana kare

Dil me Raushan hai Sham’a Ishq e Huzoor
Kaash josh e hose hawa na kare

Hashr me hum bhi sair dekhinge
Munkar aaj Unse ilteja na kare

Za’eef mana magar yeh zalim dil
Unke raste me to thaka na kare

Jab Teri khoo hai sab ka jee rakhna
Wahi achcha jo dil bura na kare

Lay Raza sab chale Madine ko
Mai na jaoon aray Khuda na kare

www.naatlyrics.in

Dam Ba Dam Allah Ho Allah Ho(Hamd)

Allah Hye Allah Hye Allah Hye Allah Hye
Allah Ho Allah Ho Dam Ba Dam Allah Ho Allah Ho
Har Jagha Har Ghari Har Jagha Har Ghari Har Kadam Allah Ho
Allah Hye Allah Hye Allah Hye Allah Hye

Lamha Lamha Basar Ho Tere Zikar Main
Zindgi Ka Safar Ho Tere Zikar Main
Bas Zaban NagmaGer Ho Tere Zikar Main
Dil Mera Shab Ho Sham-e-Haram Allah Ho

Har Kali Har Samar Lehlahate Shajar
Chandni Kehkashan Noori Shams-o-Qamar
Yeh Zameen Yeh Falak Balke Har Khushk-o-Tar
Kar Rahe Hain Sana Sab Baham Allah Ho

Azmaton Rif-ato Ke Nisha(n) Tere Hai(n)
Aey Khuda Yeh Zameen Asmaan TereHai(n)
Malik-e-Do Jahan Ins-o-Jaan Tere Hai(n)
Tu Hamara Hai aur Tere Hum Allah Ho

Uss Ki Kudrat kiran Dar Kiran Dar Kiran
Us ki Nadhat Chaman Dar Chaman Dar Chaman
Us Ki Midhat  Pavan Dar Pavan Dar Pavan
Likhon Ja Ghar Kalam Ba Kalam Allah Ho

www.naatlyrics.in

Delhi Rajasthan Tumhara Ya Khwaja

Delhi Rajasthan Tumhara Ya Khwaja

Saara Hindustan Tumhara Ya Khwaja

Hind May Navve Lakh Ko Kalma Padhwaya

Hum Per Hai Ahsaan Tumhara Ya Khwaja

Saara Anasagar Kuze May Bhar Aaya

Sunte Hi Farmaan Tumhara Ya Khwaja

Aap Pe Hai Faizan Janab e Usman Ka

Hum Per Hai Faizan Tumhara Ya Khwaja

Faiz e Madina Milta Hai Ajmer Se Hi

Roza Hai Zeeshan Tumhara Ya Khwaja

Rahe Sunni Dawat e Islami

Ye To Hai Faizan Tumhara Ya Khwaja

In Dono Per Khaas Karam Tum Farmana

Shakir Aur Rizwan Tumhara Ya Khwaja

Syed Ko Taibah Ki Galiya Dikhla Do

Hai Adnaa Darban Tumhara Ya Khwaja

www.naatlyrics.in

Dil Ki Duniya Ko Sajao Aaqa

Dil ki duniya ko sajao aaqa
Apni ulfatt me jilao aaqa

Shauke didaar me sou jis shab
Apna didar karao aaqa

Dil ki duniya ko sajao aaqa
Apni ulfatt me jilao aaqa

Mere dil ki hai tamanna har dam
Apna ghar isko banao aaqa

Dil ki duniya ko sajao aaqa
Apni ulfatt me jilao aaqa

Fikre duniya me na aansu nikle
Apni ulfatt me rulao aaqa

Dil ki duniya ko sajao aaqa
Apni ulfatt me jilao aaqa

Hubbe duniya se bachana mujhko
Mujhko apna hi banao aaqa

Dil ki duniya ko sajao aaqa
Apni ulfatt me jilao aaqa

Jitne momin hai pareshan data
Sabki bigdi ko banao aaqa

Dil ki duniya ko sajao aaqa
Apni ulfatt me jilao aaqa

Shakire razvi hai aasi shaha
Muzda bakshish ka sunao aaqa

Dil ki duniya ko sajao aaqa
Apni ulfatt me jilao aaqa

www.naatlyrics.in

Dilo Ke Gulshan

Dilo Ke  Gulshan
Dilo Ke  Gulshan Mahek Rahe Hai
Yeh Kaif  Kyo  Aaj Aa  Rahe Hai
Kuch Aisa   Mehsoos  Ho  Raha Hai
Huzoor    Tashrif   La   Rahe Hai

Navaazhiso Par, Navaazhisei Hai
Inaayato Par, Inaayatei Hai
Nabi Ki Na’atei, Suna, Suna Kar
Ham Apni Qismat Jaga Rahe Hai

Kahaa Ka Mansab, Kahaa Ki Daulat
Qasam Khuda Ki, Yeh Hai Haqiqat
Jinhe Bulaaya, Hai Mustafa Ne
Wohi Madiney Ko, Ja Rahe Hai

May Apne Khayrul Wara Ke Sad’qe
Inki Shaane Ata Ke Sad’qe
Bhara Hai Aibo Se Mera Daaman
Huzoor Phir Bhi Nibaah Rahe Hai

Habibe Daavar, Gharib Parwar
Rasoole Akram, Karam Ke Pekar
Kisi Ko Dar Par Bula Rahe Hai
Kisi Ke Khwaabo Mei Aa Rahe Hai

Banega Jaane Ka Phir Bahaana
Kahega Aakar Koi Diwaana
Chalo Niyazi, Tumhe Madiney
Madiney Waale Bula Rahe Hai

www.naatlyrics.in

Dushman-e Ahmad pe shiddat kijiye

Dushman-e Ahmad pe shiddat kijiye
Mulhidon ki kya murrawat kijiye

Zikr unka cheriye har baat me
Cherna Shaytaan ka aadat kijiye

Misl-e Fars zalzalay hoon Najd mein
Zikr-e Aayaat-e Walaadat kijiye

Ghaiz mein jal jaa-ein be Deeno ke dil
Yaa Rasool Allah ki Kasrat kijiye

Kijiye charcha unhee ka subh-o shaam
Jaan-e Kaafir par Qayamat kijiye

Shirk thehre jis mein ta’zeem-e Habeeb
Us bureh mazhab pe laanat kijiye

Zaalimo! Mahboob ka haqq tha yehi
Ishq ke badle adaawat kijiye

Ghaus-e-Azam aap se faryaad he
Zinda phir ye paak Millat kijiye

Mere Aaqa Hazrat Ach’che Mia
Ho Raza Ac’cha wo Soorat kijiye

www.naatlyrics.in

Dar Pe Bulawo

Dar pe bulawo makki madni,
Invite me to Your door, O Makki Madni
Bigri banawo makki madni,
Fix my misfortunes, O Makki Madni
Deed teri hai, eid meri
To see You would be my Eid 
Deed karawo makki madni,
Let me see You, O Makki Madni
Dar pe bulawo makki madni,
Invite me to Your door, O Makki Madni 

Mehshar me ho lab pe mere
On the Day of Judgement, let the words on my lips be:
"Mujh ko bachawo makki madni"
"Save me, O Makki Madni"
Dar pe bulawo makki madni,
Invite me to Your door, O Makki Madni 

Apne nawason ke sadqe
For the sake of Your Grandsons, 
Dukhre mitawo makki madni,
Cure my miseries, O Makki Madni
Dar pe bulawo makki madni,
Invite me to Your door, O Makki Madni 

Gumbad-e-Khazra ke saaye taleh
Under the shadow of the Green Dome, 
Mujh ko sulawo makki madni,
Send me to sleep, O Makki Madni
Dar pe bulawo makki madni,
Invite me to Your door, O Makki Madni 

Mangta hu(n) me sawaali hoon, Ishq-e-Nabi ka pujaari hu(n),
I am a beggar and have nothing, I am a worshipper of the Love of Rasulallah
Thokaren khaata hu(n) dar dar ki, dar pe bulawo makki madni,
I am kicked from door to door, Invite me to Your door, O Makki Madni 
Bigri banawo makki madni,
Fix my misfortunes, O Makki Madni

Har saas me Madinah he, muskhkil ab mera jeena he,
Every breath I take has Madinah in it, I cannot bear to live any longer 
Dil mein tamanna hai Tayba ki, dar pe bulawo makki madni,
In my heart is the desire for Tayba, invite me to Your door, O Makki Madni 
Bigri banawo makki madni,
Fix my misfortunes, O Makki Madni

Barso(n) say akhiya tarsi
My eyes have been yearning for years, 
Jalwa dikhawo makki madni
Let me see Your splendour, O Makki Madni
Dar pe bulawo makki madni,
Invite me to Your door, O Makki Madni 

Asdi gunaho me dooba huwa he
Asdi is drowned in sins 
Jaisa he nibhawo makki madni,
However he is, please accept him, O Makki Madni
Dar pe bulawo makki madni,
Invite me to Your door, O Makki Madni 

Bigri banawo makki madni,
Fix my misfortunes, O Makki Madni
Dar pe bulawo makki madni,
Invite me to Your door, O Makki Madni

www.naatlyrics.in

Dil Say Hazar Bar Madina Tujhay Salam

Dil Say Hazar Bar Madina Tujhay Salam
Aaqa Ka Tu Dayar Madina Tujhay Salaam
Lareib Kharay Dashtay Madina Kay Husn Par
Qurban Lalazaar Madina Tujhay Salaam
Tujhse Mitti Hamesha Meri Bekrariyaan
Tu Dil Ka Hai Qaraar Madina Tujhe Salaam
Tutay Mera Joh Daam To Madina Ho Samnay
Yeh Dil Ki Hai Pukaar Madinah Tujhay Salaam
Teiba Say Duur Keisay Ujagar Rahay Ga Ab
Mushkil Hai Intizaar Madina Tujhay Salaam

Dil Se Hazaar Baar Madinah Tujhe Salaam
Aaqa Ka Tu Dayar Madina Tujhay Salaam

www.naatlyrics.in

Dil Dard Se Bismil

Dil Dard Se Bismil Ki Tarah Lot Raha Ho
Seene Pe Tasalli Ko Tera Haath Dhara Ho

Gar Waqte Ajal Sir Teri Chaukhat Pe Jhuka Ho
Jitni Ho Qaza Ek Hi Sajde Me Ada Ho

Tum Zaat E Khuda Se Na Judaa Ho Na Khuda Ho
ALLAH Ko Ma'alum Hai Kya Jaaniye Kya Ho

Ye Kyu Kahu Mujhko Ye Ataa Ho Ye Ataa Ho
Wo Do Ke Hamesha Mere Ghar Bhar Ka Bhala Ho

Dekha Unhe Mehshar Me To Rehmat Ne Pukara
Aazad Hain Jo Aapke Daaman Se Bandha Ho

Firdous Ke Baagho Se Udhar Mil Nahi Sakta
Jo Koyi Madine Ke Bayaba Me Ghuma Ho

Mangta To Hain Mangta Koi Shaho Me Dikha De
Jisko Mere Sarkaar Se Tukda Na Mila Ho

Mitti Na Ho Barbaad Pase Marge Ilahi
Jab Khaaq Ude Meri Madine Ki Hawaa Ho

Aata Hain Faqeero Pe Unhe Pyar Kuch Aisa
Khud Bheekh De Khud Kahe Mangta Ka Bhala Ho

Dhundha Hi Kare Sadr Qayamat Ke Sipahi
Woh Kisko Mile Jo Tere Daaman Me Chupa Ho

De Daaliye Apne Lab E Jaa Baksh Ka Sadqa
Ay Chara E Dil Dard E Hasan Ki Bhi Dawa Ho

www.naatlyrics.in

Dar-e-Khwaja Pe Sawali Ko Khara Rehne Do

Dar-e-Khwaja Pe Sawali Ko Khara Rehne Do

Sar Nidamat Se Jhuka Hai Tou Jhuka Rehne Do

Mujh Ko Mil Jayega Sadqa Mein Chala Jaonga

Kasa-e-Dil Mera Qadmoon Mein Para Rehne Do

Khud Hee Farmayeingay Mujrim Pe Woh Rehmat Ki Nazar

Mujh Ko Khwaja Ki Adalat Mein Khara Rehne Do

Chor Ke Aap Ka Dar Mein Kahan Jaonga

Iss Gada Ko Issi Saaye Mein Para Rehne Do

Mujhko Karna Na Juda Dar Se Kabhi Khwaja Jee

Dil Jo Deewana Bana Hai Tou Bana Rehne Do

Roz-e-Mehshar Ye Gunaahgaar Ke Kaam Ayega

Warsi Rung Charhra Hai Tou Charhra Rehne Do

Arz Karta Hoon Mein Rozana Ye Khwaja Se Khalil

Apni Rehmat Se Jahan Mera Saja Rehne Do

www.naatlyrics.in