All for Joomla All for Webmasters

LYRIC

Nibhaalo Tum Nibhaalo Tum Nibhaalo Ya RasoolAllah

Nibhaalo tum nibhaalo tum nibhaalo Ya RasoolAllah
Bulaalo ab Madine me bulaalo Ya RasoolAllah

Satate hai joh duniya waale iss ka kuch nahi hain gum
Mujhe bas apna keh kar tum bulaalo Ya Rasool Allah

Sunehri Jaaliyo ke saamne paucha hu mai Aaqa
Mujhe apni ziyarat tum karado Ya RasoolAllah

Meri qismat buri ho toh Khudara tum bhali kardo
Sawaaro meri qismat ko sanwaaro Ya RasoolAllah

Ataa ho ilm ki daulat ataa ho deed ki daulat
Dam e Aakhir Madina bhi ataa ho Ya RasoolAllah

Shafa`at ka sawaali hu sawaali hu mai rehmat ka
Ijaabat se nawaazo tum nawaazo Ya RasoolAllah

Moin e Raah e Taiba hai mere Khwaja Moinuddin
Moin e Raah e Jannat bhi banado Ya RasoolAllah

Tasadduq Ghaus e Aazam ka Tawassul Aala Hazrat ka
Baqee e Paak ke kaabil banado Ya RasoolAllah

Nigah e Mufti e Aazam ne zinda kardiya dil ko
Unhi ka saath mehshar me ataa ho Ya RasoolAllah

Tamanna yeh liye jaata hai Aaqa Shakir e Razvi
Isse Izne Madina phir ataa Ho Ya RasoolAllah

LIKE US ON FACEBOOK

VIDEO

https://www.youtube.com/watch?v=rAHRSqNjXVE