All for Joomla All for Webmasters

LYRIC

Parda Rukh e Anwar se joh utha Shab e Mehraj

Parda Rukh e Anwar se joh utha Shab e Mehraj
Jannat ka huwa rang do baala Shab e Mehraj

Hooron ne bhi gaaya hai tarana Shab e Mehraj
Khaliq ne Muhammad ko bulaya Shab e Mehraj

Aye Rehmat e Aalam teri rehmat ke tasadduq
Har ek ne paaya tera sadqa Shab e Mehraj

Jis waqt chali Shah e Madina ki sawari
Sajde me jhuka Arsh e Mu’alla Shab e Mehraj

Mehmaan bulane ke liye apne Nabi ko
Allah ne Jibreel ko bheja Shab e Mehraj

Yeh Shaan e Jalaalat ke nihaayat hi Adab Se
Jibreel ne Aaqa ko jagaaya Shab e Mehraj

Jibreel bhi hairaan huwe dekh ke rutba
Sidra se qadam jab ke badhaya Shab e Mehraj

Jibreel taake ho gaye sarkar rawaana
Woh takta huwa reh gaya Sidrah Shab e Mehraj

Humraah sawari ke the Afwaaj Malaaik
Ban kar chale is shaan se dulha Shab e Mehraj

Muddat se joh armaan tha woh aaj nikala
Hooron ne kiya khoob nazaara Shab e Mehraj

LIKE US ON FACEBOOK